Sïjhth datne viehkiehtidh mijjen nedte-sæjrojde bueriedidh?

Buerie biejjie!

Sïjhth datne viehkiehtidh mijjen nedte-sæjrojde bueriedidh?
Miijieh håhkesjebe datne asth naakenh gyhtjelassh vaestiedidh.

Gïehtjedimmiem lea jaksoesmieresne åarjel-, skolte-, anár-, noerhte- jïh juvlevsaemien gïelese dovne englaanten gïelese.

Veeljh gïelem:

Åarjelsaemien: http://www.surveygizmo.com/s3/2987080/southsaami
Englaanten gïele: http://www.surveygizmo.com/s3/2987080/english
Noerhtesaemien: http://www.surveygizmo.com/s3/2987080/northsaami
Juvlevsaemien: http://www.surveygizmo.com/s3/2987080/lulesaami
Anársaemien: http://www.surveygizmo.com/s3/2987080/inarisaami
Skoltesaemien: http://www.surveygizmo.com/s3/2987080/eastsaami

Mijjieh mah Saemien Gïelegaaltejisnie, gijhtebe viehken åvteste!

Posted in Uncategorized

Gïelesujhteme, normeradimmie jïh teermebarkoe saemien gïelen sisnjelen

Saemien Gïelegaaltije lea maehtehtjh saemien gïelen sisnjelen tjöönghkeme, jïh gïeleutnijh böörede akten seminaarese Sajosne, Inarisnie rïhkeden 6.b. Seminaaresne edtja digkiedidh mah haestemh njieljie saemien gïelh utnieh gïelesujhtemen, normeradimmien jïh teermebarkoen sisnjeli. Aaj akte sjïere nuepie njieljie saemien gïelh govledh.

Gïeleseminaare aalkojne sjædta saemiedigkiej golmenjaepien raastendåaresth gïelelaavenjostoeprosjektese. Såevmien Saemiedigkien presidente, Tiina Sanila-Aikio seminaarem rïhpeste. Rïhpestimmieseminaare Gïelegaaltijen jåarhkeprosjektese lea ræhpas gaajhkesidie. Doh mah meatan tjuerieh jïjtje vuelkemen, jïjjedimmien jïh beapmoen åvteste maeksedh. Seminaare toelhkestamme sjædta såevmien ih sveerjen gielese.

Buerie båeteme!

Sijjie: Solju – Sajos, Enare 6.10.2015

Seminarijumen leah streamingh svaalhtesisnie http://www.sogku.fi/live/

 

Programme

9.30 Prïhtjege

10.00 Rïhpestimmie Saemien Parlamentarihkeles raerien åvtehkistie, Tiina Sanila Aikio

10.15 Nöörjen Saemiedigkien presidente Aili Keskitalo

10.30 Eino Koponen: Prinsihph gïelesujhtemen sisnjelen jïh dan sjïehtedimmie skoltesaemien gielese

11.10 Johanna Ijäs: Iktedamme baakoeh noerhtesaemien jïh guktie dah tjaalasuvvieh

11.50 Sámi Oahpahusguovddášen musihkelearohkh spielieh auditovrijisnie

12.20 Gaskebeapmoe

13.00 Petter Morottaja: Guktie Inarisaemien vaarjelidh?

13.40 Svenn-Egil K. Duolljá: Såemies grammatihken njoelkedassh julevsaemien, mej våarome lea gïelenormeradimmie

14.20 Märgge Uttjek: Upmejesaemiengïelen tsiehkie jïh ulmie

15.00 Marko Marjomaa: Gïelegaaltije jåarhkeprosjekte

15.15 Galhkuve

 

Åenehks prosjekten bïjre

Saemien Gïelegaaltije lea saemiej bijjemes faageorgaane jïh dam jollemes sjæjsjalimmiefaamoem åtna aamhtesinie saemien gïelen bïjre. Saemien Gïelegaaltije gïeleviehkiem faalehte jïh gyhtjelassh vaestede jïh raerieh vadta gïeleutniejidie. Saemien Gïelegaaltijen laavenjassi gaskem lea aaj teermebarkoe, gïelenormeradimmie jïh gïelesujhteme. Lissine Gïelegaaltije edtja bïevnesh geerjehtidh saemien gïeli jïh faagegyhtjelassi bïjre ektiedamme saemien gielide. Gïelegaaltijen jåarhkeprosjekte beetnehvierhtieh åådtje daejstie, Interreg V Noerhte bieliedajve Saepmie, Lapin liitto, Tromsen Fylhkentjïelte jïh Saemiedigkieh Nöörjesne, Sveerjesne jïh Såevmesne. Såevmien Saemiedigkie prosjektem stuvrie.

 

 

Posted in Uncategorized

Bööreme Sáfá2-prosjekten minngemes tjåahkose

Buerie båeteme Sáfá2-prosjekten minngemes tjåahkose, mejtie utnebe Aanarisnie Sajos saemienkultuvrejarngesne måantan suehpeden 26.n biejjie ts 9.00-15.30.

Tjåahkosne dah Saemien Gïelegaaltijen barkijh soptsestieh sijjen barkoen bïjre jïh dan bïjre guktie Sáfá2-prosjekte lea jïjtse gïelem evtiedamme. Saemien Gïelegaaltijen barkijh aaj soptsestieh skoltsaemien, aanarsaemien, noerhtesaemien, julevsaemien jïh åarjelsaemien tsiehkien bïjre mah lin meatan orreme daennie Sáfá2-prosjektesne.

Tjåahkoe gaahpoeh gaajhkesidie. Dïhte gïe meatan tjuara jïjtje feelemem, årromesijjiem jïh beapmoen maeksedh.

Mijjieh tjåahkoem tåalhkebe saemiengïeleste såevmien, sveerjen jïh daaroengïelese

Jeenebh bïevnesh gååvnesieh programmesne maam meatan bïejeme.

Buerie båeteme!

 

Heelsegigujmie,

Sáfá2:n prosjekteåejvie

Marko Marjomaa

 

Programme

Solju – Sajos, Aanaar 26.5.2014

8.30 Prïhtjege

9.05 Aalkoebaakoeh

9.20 Aanarsaemien: Miina Seurujärvi

9.55 Skoltesaemien: Merja Fofonoff

10.30 Noerhtesaemien: Anna-Margith Påve, Máret Láilá Anti jïh Anna-Liisa Väyrynen

11.15 Byöpmedidh

12.15 Julevsaemien: Britt-Inger Tuorda jïh Svenn-Egil K. Duolljá

13.00 Åarjelsaemien: Siri Kappfjell Päiviö jïh Joseph Fjellgren:

13.45 Prïhtjege

14.00 Bïevnesh gelliengïeleldh prosjektesne: Mika Saijets

14.30 Sáfá2-prosjekte jïh dah ulmieh tjïrrehtidh: Marko Marjomaa

15.00 Orrijimmie

Posted in Uncategorized

Raeresth dov kandidaatem!

GULLIEGÏELE – Noerhtelaanti saemien gïelebaalhka govhteden aejkien vadtasåvva tjaktjen 2014 dennie fïerhten jaepien tjåanghkosne saemieministeri jïh saemiedigkiepresidenti gaskem Helsinkesne. Gïelebaalhka vadtasåvva aktegsalmetjidie jallh åårganisasjovnide Nöörjesne, Sveerjesne, Såevmesne jallh Russlaantesne mah saemiengïelen evtiedimmien åvteste berkieh.

Gulliegïele – Noerhtelaanti saemien gïelebaalhka – lea tseegkesovveme ministerijstie mej dïedte saemien aamhtesi åvteste jïh saemiedigkiepresidentijste Nöörjesne, Sveerjesne jïh Såevmesne. Baalhka vadtasåvva fïerhten mubpien jaepien, voestes aejkien lij 2004. Gïelebaalhkan stoeredahke lea 15 000 euro.

Gïelebaalhkan ulmie

Gïelebaalhkan ulmie lea saemiengïelen evtiedimmiem jïh vaarjelimmiem tsevtsedh Nöörjesne, Sveerjesne, Såevmesne jïh Russlaantesne.

Gie maahta baalhkam åadtjodh?

Gïelebaalhka vadtasåvva aajnehke almetjidie, dåehkide, åårganisasjovnide, siebride jïh institusjovnide mah leah åajvoehlaakan tjaaleldh, njaalmeldh jallh jeatjah barkoen tjïrrh saemiengïelen evtiedimmien jallh vaarjelimmien åvteste barkeme. Gåarede baalhkam juekedh jienebi baalhkavitniji gaskem.

Raeresth dov kandidaatem!

Almetjh, åårganisasjovnh, institusjovnh jïh reerenassh Nöörjesne, Sveerjesne, Såevmesne jïh Russlaantesne bööresuvvieh kandidaath raeriestidh daan jaepien gïelebaalhkese 2014. Dijjieh tjoerede baalhkavitnijem tjaaleldh raeriestidh, aktine bïhkedassine mij jeenjemes lea 1-2 sæjroeh jïh dam daan adressese seedtedh suehpeden 30. b. 2014 åvtelen: Govlehtallemebïevnesh vuarjasjimmiemoenehtsasse:

Gollegiella – vierhtiedimmiemoenehtse Sámediggi/Saamelaiskäräjät SAJOS 99870 Anár/Inari FINLAND

e-påaste: info@samediggi.fi

+358108393100

Posted in Uncategorized

Orre digitaale baakoegærja

 

Saemiedigkie, Divvun jïh Sámi Giellateknoe Tromsøen Universiteetesne orre digitaale baakoegærjam Sátni – báhkoe – baakoe olkese vedtieh. Baakoegærja lea aarebi baakoegærjan aarpere, man nomme lij risten.no.

Posted in Uncategorized