Muhtin bohcco namahusat viđa sámegillii

Dáppe gávnnat muhtin bohcco namahusaid davvi, nuortalaš-, anáraš, julev- ja lullisámegillii.

Bohcco namahusat

Posted in Giellablogga, Uncategorized

DIEĐÁHUS: Anárašgiela dutkanseminára 16.-17.11. Anáris

DIEĐÁHUS 6.9.2017

Sámi Giellagáldu ordne anárašgiela dutkanseminára Anáris Sajosis 16.-17.11.2017. Seminára ulbmil lea buktit oidnosii anárašgiela dutkandieđu ja varrasumos ovdánemiid, ja suokkardallat boahtteáiggi dehálamos dutkanfáttáid.

Giellagaldu bovde anárašgiela dutkiid ja joatkkaoahppiid ovdanbuktit iežaset dutkanbarggu semináras. Loahpalaš prográmma álmmustahtto golggotmánus. Seminára lea rábas buohkaide.

Lassedieđut:
Neeta Jääskö, giellabargi, Sámi Giellagáldu
neeta.jaasko@samediggi.fi
010 839 3123

Posted in Almmuhusat

Váttisvuođat WhatsAppain

Juste dal WhatsApp ii doaimma teknihkalaš sivaid dihte davvisámegiela giellabálvalusas. Mii šállošit ášši ja leat čielggadeame siva.

Posted in Uncategorized

ÁIGEGUOVDIL: Vástidan- ja meannudanáiggit guhkkon

Sámi Giellagáldus lea dál dušše okta davvisámegiela bargi barggus. Dan dihtii davvisámegillii guoskki gažaldagaid ja bivdagiid vástidan- ja gieđahallanáiggit leat guhkkibut go dábálaččat. Mii šallošit dan sakka ja iskat buoridit dili jođáneamos lági mielde! Dan botta bivdit andagassii ja giitit buohkaid gierddavašvuođas.

Giellagáldu

Posted in Almmuhusat

Sámi Giellagáldu ovdanbuktá doaimmaset Máŋggagielalaš mánu áigge

Riikkaidgaskasaš Eatnigiela beaivvis 21.2. lea álgán Máŋggagielalaš mánnu (Multilingual Month), mii bistá 21.3. rádjái ja masa Sámi Giellagáldu oassálastá nu ahte ovdanbuktá doaimmaset sierra girjerádjosiin Suoma sámi guovllus ja dan olggobealde. Ovdanbuktin bistá sullii beannot diimmu, man áigge iešguđet sámegiela gielabargit muitalit Giellagáldu doaimma birra ja ovdanbuktet sámi gielalaš maŋggabealátvuođa videoiguin ja ovdanbuktimiiguin. Giellabargiin sáhttá dieđusge maid jearrat giellagažaldagaid. Ovdanbuktin lea nuvtta girjerádjosii ja áiggi soahpat ovttas. Váldde áinnas oktavuođa!

Giellagáldu lea davviriikkalaš prošeakta, man ulbmilin lea sajáiduhttit sámegielaid oktasaš fága- ja resursaguovddáža doaibmá Ruŧŧii, Supmii ja Norgii. Fága- ja resursaguovddáš Sámi Giellagáldu lea máŋggagielalašvuođa guovddážis ja fuolaha sámegielaid sátne- ja tearbmabargu, normeremis ja giellagáhttemis ja árgabeaivi giellarávvemis vai giela ovddideapmi bisolii mielde servodaga nuppástuvvamis.

Multilingual Month (Máŋggagielalaš mánnu) álgá riikkaidgaskasaš eatniealabeaivvi 21.2. ja nohká 21.3. máilmmi divtta ja rasisma vuostásaš beaivái. Jahkásaš dáhpáhus ávvuda eatnigielaid, máŋggagielalašvuođa ja gielalaš máŋggabealatvuođa. Jagis 2017 Multilingual month čohkke organisašuvnnaid ja prošeavttaid davviriikalaš ovddasbarggu ovddideapmái. Máŋggagielalašvuođa ja eatnigiela mearkkašumi čalmmustahttin lea erenomáš dehálaš sápmelaččaide  ja sámegielaide daningo buot sámegielat leat UNESCO mielde áitatvuložat eaige lahkage buot sámegielagat oaččo omd. oahpahusa iežas eatnigielain.  

Máŋggagielalašvuođa mánu áigge Sámi Giellagáldu háliida ovdanbuktit sámegielaid máŋggabealatvuođa ja doaimmaset viiddisvuođa Čeavetjávrris Troandimii ja ovdanbuktit sámegielaide ráhkaduvvon čállima ja gielageavaheami veahkeneavvuid nugo sátnegirjjiid ja njuolggolohkanprográmmaid ja buktit giellagáhtten- ja rávvenbálvalusa lagabui sámegielaid geavaheddjiid.

Lassedieđut ja ovdanbuktinbivdagat:

Sámi Giellagáldu / Neeta Jääskö
puh. 040 652 6235
info@giellagaldu.com
www.giella.org


Multilingual Month birra: https://suomeksi.multilingualmonth.org/

Posted in Almmuhusat, Uncategorized